وفاقی وزیرشبلی فراز پر درہ آدم خیل میں نامعلوم افراد نے حملہ کیا ہے جس میں وہ معجزانہ طور پر محفوظ رہے۔
نمائندہ اےآروائی نیوز کے مطابق وفاقی وزیر شبلی فراز آبائی علاقے کوہاٹ سے پشاور آ رہےتھے کہ درہ آدم خیل کے مقام پر نامعلوم افراد نے گاڑی پر حملہ کیا۔
شبلی فراز نے حملے سے متعلق بتایا ہے کہ الحمدللہ محفوظ ہوں تاہم ڈرائیور زخمی ہے جسے علاج کیلئے پشاور منتقل کر رہے ہیں۔
وفاقی وزیرشبلی فراز اپنے گاڑی میں سوار تھے اور سیکورٹی گارڈز بھی ہمراہ تھے۔ فوری طور پر حملے سے متعلق تفصیلات سامنے نہیں آسکیں۔
چیئرمین سینیٹ صادق سنجرانی، وفاقی وزیر اطلاعات فوادچوہدری، وزیراعلیٰ پنجاب عثمان بزدار سمیت دیگر اعلیٰ شخصیات نے وفاقی وزیرشبلی فراز پر حملےکی شدید مذمت کی ہے۔
صادق سنجرانی نے سینیٹر شبلی فراز کو ٹیلیفون کیا اور ان کی خیریت دریافت کی۔ شبلی فراز نے بتایا کہ الحمدللہ میں خیریت سےہوں حملےمیں ڈرائیور شدیدزخمی ہے۔
