فاسٹ بولر حارث رؤف اور محمد حسنین کے بعد ایک اور پاکستانی بولر بگ بیش لیگ سیزن الیون کا حصہ بن گئے۔
پاکستانی لیگ اسپنر شاداب خان سے آسٹریلوی بگ بیش لیگ کی ٹیم سڈنی سکسرز نے معاہدے کرلیا۔
سڈنی سکسرز کے مطابق شاداب خان بی بی ایل کے باقی میچوں کے اختتام تک ٹیم کا حصہ رہیں گے اس سے قبل شاداب خان دو ہزار سترہ میں بھی بی بی ایل کھیل چکے ہیں۔
We've signed Pakistani star spinner Shadab Khan for the remainder of #BBL11 🙌 ✍️
💻 Read More: https://t.co/qfzBvpEGxk pic.twitter.com/NPLjq3osJi
— Sydney Sixers (@SixersBBL) December 24, 2021
سکسرز کے ہیڈ کوچ گریگ شپرڈ شاداب کے ساتھ کام کرنے کے امکان پر پرجوش تھے، انہوں نے کہا ہم کھیل کے تینوں پہلوؤں میں شاداب کی مہارت کا خیرمقدم کرتے ہیں اور آنے والے میچوں میں اسے موقع ملنے کا انتظار نہیں کر سکتے۔
ٹی ٹوئنٹی اسپیشلسٹ حارث رؤف کے ساتھ ساتھ محمد حسنین بھی بی بی ایل الیون میں انِ ایکشن ہوں گے۔ 21سالہ فاسٹ بولر کا سڈنی تھنڈر سے معاہدہ طے پا گیا ہے اور امکان یہی ہے کہ وہ 26 دسمبر کو رواں سیزن میں ڈیبیو کریں گے۔
The @ThunderBBL's fast bowling stocks just got EVEN BETTER! 🤯 #BBL11 pic.twitter.com/56t0GTmDQz
— KFC Big Bash League (@BBL) December 20, 2021
نوجوان بولر کی شمولیت سے تھنڈر کا بولنگ اٹیک مزید مضبوط ہو گیا ہے۔ تھنڈر اسکواڈ میں پہلے ہی معیاری فاسٹ بولرز ڈینیئل سامس، بین کٹنگ، ثاقب محمود، کرس ٹریمین، ناتھن میک اینڈریو، گروندر سندھو، اور برینڈن ڈوگیٹ شامل ہیں۔
