انڈر19 ایشیا کپ میں بھارت کے خلاف 5 وکٹیں لینے والے نوجوان فاسٹ بولر ذیشان ضمیر نے کہا ہے کہ انہوں نے روایتی حریف کے خلاف 5 وکٹیں لینے کا منصوبہ بنایا تھا۔
انڈر 19 ایشیا کپ میں قومی ٹیم نے بھارت کو سنسنی خیز مقابلے کے بعد دو وکٹوں سے شکست دی۔ پاکستان نے بھارت کی جانب سے دیا جانے والا 238 رہز کا ہدف 8 وکٹوں کے نقصان پر حاصل کرلیا۔
محمد شہزاد نے 82 رنز کی شاندار اننگز کھیلی، عرفان خان 33 رنز کے ساتھ نمایاں رہے، احمد خان، 29 رنز کے ساتھ ناٹ آؤٹ رہے، رضوان محمود نے بھی 29 رنز کی اننگز کھیلی۔
فاسٹ بولر ذیشان ضمیر نے 60 رنز کے عوض 5 وکٹیں حاصل کر کے بھارتی ٹیم کو بڑے ٹوٹل سے روکے رکھا۔
میچ کے بعد گفتگو میں نوجوان بولر نے بتایا کہ میچ سے قبل ہی انہوں نے بھارت کے خلاف 5 وکٹیں لینے کا منصوبہ بنایا تھا اور الحمداللہ اپنے ہدف میں کامیابی ملی۔
نوجوان بولر نے کامیابی پر خوشی کا اظہار کرتے ہوئے کہا کہ اللہ کا شکر ہے کہ اس نے روایتی حریف کے خلاف فتح سے ہمکنار کیا۔
Zeeshan Zameer talks about his 5 wicket haul, along with player of the match Mohammad Shehzad and team captain Qasim Akram sharing their excitement on today's match. #ACC #U19ASIACUP #PAKvIND pic.twitter.com/YT0UEwGb86
— Pakistan Cricket (@TheRealPCB) December 25, 2021
