مداح نے پاکستانی شوبز انڈسٹری کی خوبرو اداکارہ سارہ خان کو بیٹی کو سوشل میڈیا سے دور رکھنے کا مشورہ دے دیا۔
اداکارہ سارہ خان اور ان کے خاوند فلک شبیر انٹرنیٹ پر خاصے متحرک نظر آتے ہیں اور اپنے چاہنے والوں کے ساتھ اپنی زندگی سے متعلق باتیں شیئر کرتے رہتے ہیں اور اب دونوں شخصیات اپنی بیٹی کی تصاویر اور ویڈیوز کو بھی سوشل میڈیا کی زینت بنا رہے ہیں۔
سارہ خان نے اپنے شوہر کی ایک ویڈیو انسٹاگرام پر شیئر کی جس میں فلک شبیر بیٹی عالیانی کو سلاتے ہوئے نظر آرہے ہیں اور اپنی اہلیہ سے کہہ رہے ہیں کہ ‘عالیانہ تم سے نہیں سوتی’ جس پر سارہ خان جواب دیتی ہیں کہ ‘عالیانہ کو اپنے بابا سے ہی سونا ہوتا ہے’۔
عالیانہ کی ویڈیوز اور تصاویر انٹرنیٹ پر شیئر ہوئی تو مداحوں نے خوب پسندیدگی کا اظہار کیا اور سارہ خان کی ننھی پری عالیانہ کی تعریف کی، وہیں ایک صارف نے تبصرہ کیا کہ ’ماشاء اللّٰہ، پلیز عالیانہ کو تو میڈیا سے دور رکھیں’۔
