لندن: برطانوی سیاستدان سعیدہ وارثی نے برطانوی حکومت سے شہریت بل کی شق 9 کو ختم کرنے کا مطالبہ کرتے ہوئے کہا ہے کہ ہوم سیکریٹری کے پاس کسی کی شہریت ختم کرنے کا اختیار خطرناک ہوگا۔
بین الاقوامی میڈیا کے مطابق برطانوی سیاستدان بیرونس سعیدہ وارثی نے برطانوی حکومت سے شہریت بل کی شق 9 کو ختم کرنے کا مطالبہ کیا ہے۔
ہاؤس آف لارڈز میں خطاب کرتے ہوئے سعیدہ وارثی نے کہا کہ حکومت شہریت بل کی شق 9 پر نظر ثانی کر کے اسے ختم کرے، ہوم سیکریٹری کے پاس کسی کی شہریت ختم کرنے کا اختیار خطرناک ہوگا۔
Watch this 👇🏽
ALL political parties have played their part in the draconian legislation that means hundreds of British citizens have now been stripped of their nationality.
Clause 9 is a Tory proposal but Labour sowed the seeds for what we now reap.#NationalityAndBordersBill pic.twitter.com/jiDTNsP6B3— Sayeeda Warsi (@SayeedaWarsi) January 6, 2022
یاد رہے کہ گزشتہ ماہ برطانوی ہوم سیکریٹری پریتی پٹیل نے نیشنلٹی اینڈ بارڈر بل میں ایک نئی شق شامل کی تھی جس کے بعد حکومت کو یہ اختیار حاصل ہوگا کہ وہ کسی کو بتائے بغیر اس کی برطانوی شہریت ختم کر سکتی ہے۔
نئی شق کے مطابق حکومت کسی ایسے شخص کو نوٹس دینے سے بھی مستثنیٰ ہوگی جس کی شہریت ختم کرنا مقصود ہوگی، مقامی میڈیا رپورٹ کے مطابق بظاہر اس بل کو لانے کی وجہ قومی اور عوامی مفاد بتائی گئی۔
