بینکو نامی کمپنی نے پہلی بار بغیر کیمرے والا موبائل ‘بینکو وی 80 ایس’ متعارف کرا دیا ہے۔
کیمرے نہ ہونے کی وجہ سے یہ فون دیگر اسمارٹ فونز سے مختلف ہے۔ بینکو وی 80 ایس میں جی پی ایس ریسیور بھی نصب نہیں کیا گیا۔
ممکنہ طور پر صارفین کی پرائیویسی کو یقینی بنانے کے لیے اس موبائل میں کیمرے اور جی پی ایس ریسیور موجود ہی نہیں ہے۔ بینکو وی 80 ایس میں 6.5 انچز کا آئی پی ایس ایل سی ڈی ڈسپلے ہے۔
فون میں یونی ایس او سی ایس سی 9863 اے پراسیسر جبکہ 5000 ایم اے ایچ بیٹری لگائی گئی ہے۔ کمپنی کا کہنا ہے کہ موبائل سے 4 جی نیٹ ورک پر کالز کی جاسکتی ہیں۔
اسی طرح بینکو وی 80 ایس کی پشت پر ایک فنگرپرنٹ اسکینر بھی ہے۔
موبائل کا آپریٹنگ سسٹم اینڈرائیڈ 11 ہے۔ 32 سے 64 جی بی اسٹوریج کے ساتھ اس میں 3 سے 4 جی پی ریم ڈالی گئی ہے۔ فون میں مائیکرو ایس ڈی کارڈ سے مزید اضافہ کیا جاسکتا ہے۔