ریاض: سعودی عرب میں گزشتہ چوبیس گھنٹوں کے دوران کورونا وائرس کے 5477 نئے کیسز رپورٹ ہوئے۔
تفصیلات کے مطابق دنیا بھر کی طرح مملکت میں بھی کووڈ 19 کے وار جاری ہیں۔ وبا نے 24 گھنٹوں میں 5 ہزار 477 مریضوں کو متاثر کیا اور اس دوران 1 مریض کی موت بھی واقع ہوئی۔
سعودی محکمہ صحت کا کہنا ہے کہ گزشتہ 24 گھنٹوں کے دوران سعودی عرب میں 3 ہزار 405 مریضوں نے وبا کو شکست بھی دی ہے۔
- Advertisement -
محکمہ صحت نے بتایا کہ نئے کیسز رپورٹ ہونے کے بعد مملکت میں کورونا سے متاثر ہونے والے مریضوں کی تعداد 6 لاکھ 15 ہزار 430 ہوگئی ہے۔
مملکت میں اب تک 5 لاکھ 64 ہزار 947 مریض کورونا سے صحت یاب بھی ہوچکے ہیں۔
مملکت کے محکمہ صحت کا مزید کہنا تھا کہ کورونا کے باعث ہلاک ہونے والوں کی کل تعداد 8906 ہے جبکہ 336 مریضوں کی حالت نازک ریکارڈ کی گئی۔
