نشے میں دھت ڈرائیورز کو انسانی جان کے قیمتی ہونے کا احساس دلانے کے لیے تائیوان میں انوکھی سزا دی جارہی ہے۔
کاؤسیونگ سٹی کے میئر نے نشے کے عادی ڈرائیورز کو سبق سکھانے کے لیے مردہ خانہ کی صفائی کا کام بطور سزا سونپا ہے تاکہ وہ سبق حاصل کر سکیں۔
یہ سزا میئر کی جانب سے گزشتہ ماہ ہونے والے ٹریفک حادثے کے نتیجے میں نافذ کی گئی جب نشے کے عادی ڈرائیور نے کار کو ٹکر مار کر ایک شخص کی جان لے لی تھی۔
نشے کی حالت میں ڈرائیونگ کرنے والے افراد کو پکڑ کر مردہ خانہ لایا جاتا ہے جہاں وہ میتیں رکھنے والی جگہوں کی صفائی کرتے ہیں اور گھنٹوں وقت گزارتا ہیں تاکہ انہیں پتہ چل سکے کے نشے کی حالت میں گاڑی چلانا موت کے منہ میں لے جا سکتا ہے۔
اب تک 11 سزا یافتہ نشئی ڈرائیورز کو مردہ خانے کی صفائی کی سزا دی جا چکی ہے۔ پہلے گروہ کے بعد مزید سزایافتہ افراد کو فیونرل آفس لایا جائے گا۔
