گزشتہ 2 سال سے دنیا کرونا وائرس کی وبا سے نمٹنے کی کوشش کر رہی ہے تاہم یہ مشکل وقت کچھ لوگوں کے لیے ان کی تخلیقی صلاحیتوں کے اظہار کا موقع بھی بنا ہے۔
ایسی ہی ایک بھارتی خاتون نے اپنی تخلیقی صلاحیت کا اظہار کرتے ہوئے کرونا وڑے بنا لیے۔
سماجی رابطوں کی ویب سائٹ ٹویٹر پر شیئر کی جانے والی ویڈیو میں دیکھا جاسکتا ہے کہ ایک خاتون چاول کے آٹے میں مختلف مصالحہ جات ملا کر وڑے تیار کر رہی ہیں۔
Corona vada! Bharat ki naari sab par bhaari! .@arindam75 pic.twitter.com/sf1zoLPih2
— Mimpi🍁 (@mimpful) January 19, 2022
آخری مرحلے میں وہ ایک حیران کن طریقہ اپناتے ہوئے تیار شدہ وڑوں کو بھیگے ہوئے چاولوں میں بھگوتی ہیں اور انہیں بھاپ سے پکاتی ہیں، پکنے کے بعد بالکل کرونا وائرس کی شکل جیسے وڑے سامنے آتے ہیں۔
ٹویٹر پر ان خاتون کی تخلیقی صلاحیت پر انہیں بے حد داد دی گئی، لوگوں نے ان کرونا وڑوں کو لذیذ قرار دیتے ہوئے انہیں کھانے کی خواہش کا اظہار کیا۔
Too Good, Fantastic. https://t.co/s8Gm7Jjjms
— Biswajit Ghosh (@chulbul1965) January 20, 2022
Love this. Just for the freak value I am going to make it this weekend. https://t.co/XtGiaH1dJE
— Amitabh (@spinningawheel) January 20, 2022
ایک شخص نے لکھا کہ جب زندگی آپ کو کرونا دے تو اس کے کرونا وڑے بنالیں۔
When life gives you corona, make corona vada 😅 https://t.co/xGlcEe76or
— Veera M. Rajagopal (@doctorveera) January 20, 2022
اس سے قبل بھی کرونا وائرس کی نسبت سے کئی کھانے تیار کیے جاچکے ہیں، مغربی بنگال میں ایک حلوائی نے وائرس کی ہمشکل مٹھائی تیار کی تھی جبکہ ویت نام میں ایک ریستوران نے بھی کرونا برگر فروخت کرنا شروع کردیا تھا۔
