کراچی : ملیرایکسپریس وے پر ابتدائی کام کا آغاز ہوگیا ، مرتضیٰ وہاب کا کہنا ہے کہ کورنگی سے قائدآباد ملیربرج پہنچنے میں صرف بیس منٹ لگے۔
تفصیلات کے مطابق ملیر ایکسپریس وے پر کام شروع کردیا گیا اور عارضی کچی سڑک ہموار کی جانے لگی، ایڈمنسٹریٹرکراچی مرتضی وہاب نے ملیر ایکسپریس وے سائٹ کا دورہ کیا اور جاری تعمیراتی کام پر پیش رفت کا جائزہ لیا۔
کراچی کے ایڈمنسٹریٹر نے قیوم آباد سے قائدآباد تک ملیر ایکسپریس وے کی سائٹ کا معائنہ بھی کیا۔
اس موقع پر مرتضیٰ وہاب نے کہا کہ اس جگہ کا دورہ کرکے بہت خوشی ہوئی ، کورنگی سے قائد آباد تک کا راستہ بنا دیا گیا ہے، جسے اب ہموار کیا جا رہا ہے جبکہ کورنگی سے قائد آباد تک زیر تعمیر راستے پر بھی سفر کیا۔
مرتضیٰ وہاب نے سماجی رابطے کی ویبب سائٹ ٹوئٹر پرکورنگی سے قائد آباد کے قریب ملیر برج پہنچنے میں صرف20 منٹ لگے ، کچا روڈ پر کام مکمل ہونے سے سفرمیں آسانی اور ٹریفک کا مسئلہ حل ہوگا۔
Took 20 minutes to reach the Malir Bridge near Quaidabad from Imtiaz Supermarket in Korangi on the Kacha road of Malir Expressway. Upon completion, this project will not only provide easy access to commuters but also address traffic congestion issues in #KarachiWorks pic.twitter.com/BmvF1m9dVE
— Murtaza Wahab Siddiqui (@murtazawahab1) January 25, 2022
خیال رہے بلاول بھٹو نے 24 دسمبر کو ایکسپریس وے منصوبے کا سنگ بنیاد رکھا تھا، ملیر ایکسپریس وے کو کراچی اور حیدرآباد کے درمیان شہر کو M-9 موٹروے سے ملانے کے لیے 38.5 کلومیٹر طویل ہائی اسپیڈ ٹول ایکسپریس وے کے طور پر ایک رسائی کنٹرولڈ بنایا جائے گا۔
چھ لین ہائی وے کا منصوبہ 27.58 ارب روپے کی لاگت سے 30 ماہ میں مکمل ہو گا اور منصوبے میں چھ انٹرچینج ہوں گے۔
