پی ایس ایل 7 میں کوئٹہ گلیڈی ایٹرز کی نمائندگی کرنے والے محمد حسنین کے بولنگ ایکشن پر اعتراض اٹھانے پر بمرا کے بولنگ ایکشن پر بھی سوالات اٹھنے لگے۔
برطانوی کرکٹ کے تجزیہ کار این پونٹ نے سماجی رابطے کی ویب سائٹ ٹویٹر پر محمد حسنین اور بمرا کے بولنگ ایکشن کی تصاویر شیئر کیں اور لکھا کہ لوگ کہتے ہیں کہ بمرا کے بولنگ ایکشن کو لیگل قرار دیا جارہا ہے تو حسنین کیوں زیر تفتیش ہے۔
انہوں نے مزید لکھا کہ جو کچھ میں دیکھ رہا ہوں اسے واضح کرنے کے لیے ممکنہ طور پر آئی سی سی بھی دلچسی لیتا ہے۔
واضح رہے کہ پاکستان کے ابھرتے ہوئے فاسٹ بولر محمد حسنین کے بولنگ ایکشن کو غیر قانونی قرار دیا جاچکا ہے، حسنین کے بولنگ ایکشن کی رپورٹ کرکٹ آسٹریلیا نے جاری کی۔
People saying Bumrah chucks it when he doesn't and 'why' is Hasnain under the scanner. To clear up what I am seeing, here is likely what ICC were interested in. I mentioned a while ago it was worth addressing this for Hasnain. pic.twitter.com/53IkLOXbCM
— Ian Pont 🇬🇧 (@Ponty100mph) February 7, 2022
یاد رہے کہ حسنین کا بولنگ ایکشن جنوری میں آسٹریلیا کی بگ بیش لیگ کے دوران امپائر نے رپورٹ کیا تھا جس کے بعد لاہور کی لیبارٹری میں فاسٹ بولر کے بولنگ ایکشن کا ٹیسٹ ہوا، ابھرتے ہوئے اسپیڈ اسٹار نے 18 ٹی ٹوئنٹی اور 8 ون ڈے میچز کھیلے ہیں، اب وہ بولنگ ایکشن کی درستگی تک انٹرنیشنل کرکٹ سے بھی معطل رہیں گے۔
محمد حسنین 75 ٹی ٹوینٹی انٹرنیشنل میچز کھیل چکے ہیں اور انہوں نے 92 وکٹیں حاصل کررکھی ہیں جبکہ پی ایس ایل میں محمد حسنین کوئٹہ گلیڈی ایٹرز کی نمائندگی کررہے تھے۔
