بینک صارفین کے لیے اچھی خبر ہے کہ اب انہیں لمبا چوڑا اکاؤنٹ نمبر یاد رکھنے کی ضرورت نہ پڑے گی۔
صارفین کو تفصیلات کی جھنجٹ سے چھٹکارا بھی مل گیا اب رقم بھیجنے اور منگوانے کے لیے صارف کا موبائل نمبر ہی کافی ہوگا۔
اسٹیٹ بینک نے ڈیجیٹل ادائیگی کے نظام ’’راست‘‘ میں نئی سہولت متعارف کرادی۔ اپنے موبائل فون نمبر کو بینک اکاؤنٹ کے ساتھ لنک کرکے رقم بھیجیں اور منگوائیں، موبائل نمبر آپ کی ’’راست‘‘ شناخت ہے۔
#RaastP2P, an initiative of #SBP offers free, fast & reliable digital payments service. Customers can send & receive funds using mobile app, internet banking or at branch using IBAN or RaastID. Link your mobile no with bank a/c to create RaastID.
More at: https://t.co/9Epr34HYGd pic.twitter.com/EgXcMweTrq— SBP (@StateBank_Pak) February 8, 2022
ایک فرد سے دوسرے فرد کو رقم کی منتقلی صرف بیس سیکنڈ میں ہو سکے گی۔ کوئی چارجز بھی نہیں دینے ہوں گے اس سہولت کی فراہمی کیلئے بینکوں کو ہدایات جاری کر دی گئیں۔
صارفین موبائل ایپ، انٹرنیٹ بینکنگ یا بینک برانچ جا کر اپنے رجسٹرڈ موبائل نمبر کو ’’راست‘‘ آئی ڈی بنا سکیں گے اور اسے اپنے آئی بی اے این سے منسلک کر سکیں گے۔ بینک صارف کو ایک وقت میں دو لاکھ روپے تک رقم منتقل کرنے کی سہولت دے سکتے ہیں۔