لاہور : خصوصی عدالت نے جعلی اکاؤنٹس کیس میں اپوزیشن شہباز شریف اور حمزہ شہباز پر فردِ جرم عائد کرنے کی تاریخ مقرر کردی، 18 فروری کو فردِ جرم عائد کی جائے گی۔
تفصیلات کے مطابق اپوزیشن لیڈر شہبازشریف اور حمزہ شہباز کے تاخیری حربے کام نہ آئے، لاہورکی خصوصی عدالت نے جعلی اکاؤنٹس کیس پر تحریری حکم نامہ جاری کردیا۔
خصوصی عدالت کے جج اعجاز حسن اعوان نےفیصلہ جاری کیا، جس میں کہا گیا کہ عدالت نے جعلی اکاؤنٹس کیس میں شہبازشریف اورحمزہ شہباز پر فردجرم عائد کرنے کیلئے 18 فروری کی تاریخ مقرر کردی۔
- Advertisement -
جعلی اکاؤنٹس کیس کے تمام چالان ملزمان کے حوالے کردیئے گئے، آئندہ سماعت پر تمام ملزمان فرد جرم کی کارروائی کیلئے پیش ہوں۔
