اسلام آباد: وفاقی وزرا نے وزیراعظم کی جانب سے وزرا کو کارکردگی کی بنیاد پر سرٹیفکیٹ دینے کے طریقہ کار پر نجی ٹی وی پروگرام میں متنازع گفتگو پر سخت ردعمل کا اظہار کیا ہے۔
تفصیلات کے مطابق وزیر خارجہ شاہ محمود قریشی نے ٹی وی پروگرام میں متنازع گفتگو پر شدید ردعمل کا اظہار کیا، اپنے ٹوئٹ میں انہوں نے لکھا کہ نیوز چینل پر اخلاق سے گری باتوں کا استعمال قابل مذمت ہے،تنقید جائز حق ہے لیکن اس کی آڑ میں اخلاقیات سے گرنا انتہائی افسوسناک ہے۔
کل ایک نیوز چینل پر اینکر اور شرکاء کی جانب سے انتہائی لغو اور ذومعنی گفتگو کا استعمال شدید قابلِ مذمت ھے۔ یہ کونسی صحافت ھے؟ تنقید آپ کا جائز حق ھے لیکن تنقید کی آڑ میں اخلاقیات سے گرنا انتہائی افسوسناک ہے.
— Shah Mahmood Qureshi (@SMQureshiPTI) February 12, 2022
وفاقی وزیر اطلاعات فوادچوہدری نے ٹوئٹ کیا کہ دو ہزار اٹھارہ سے قانون لانے کی کوشش کررہا ہوں، کابینہ قانون پاس کرے تو ہی گھٹیا اور لچرپن سے نجات ممکن ہے
درست بات اسی لئے 2018 سے قانون لانے کی کوشش کر رہا ہوں کابینہ قانون پاس کرے تو ہی ایسے گھٹیا اور لچر پن سے نجات ممکن ہے، #Ghaleez https://t.co/zYl55sqmOz
— Ch Fawad Hussain (@fawadchaudhry) February 12, 2022
وفاقی وزیر اسد عمر نے لکھا کہ جس اخلاق سے گری ہوئی مکروہ باتیں مراد سعید کے بارے میں کی گئی، اگر یہ میرے یا کسی صحافی کے بارے میں کسی پروگرام پر کی جائیں تو ہم کیا مطالبہ کرتے؟ مراد سعید تو انشاءاللہ مزید کامیابی حاصل کرے گا، لیکن ہم نے ایسی گندگی کو ٹی وی سے نا روکا تو معاشرے میں تباہی پھیلے گی۔
جس اخلاق سے گری ہوئی مکروہ باتیں مراد سعید کے بارے میں کی گئ، اگر یہ میرے یا کسی صحافی کے بارے میں کسی پروگرام پر کی جائیں تو ہم کیا مطالبہ کرتے؟ مراد سعید تو انشاءاللہ مزید کامیابی حاصل کرے گا، لیکن ہم نے ایسی گندگی کو ٹی وی سے نا روکا تو معاشرے میں تباہی پھیلے گی
— Asad Umar (@Asad_Umar) February 12, 2022
وزرا کو کارکردگی پر سرٹیفکیٹ دینے پر نجی ٹی وی پروگرام میں متنازع گفتگو پر سابق مشیر برائے احتساب شہزاد اکبر بھی میدان میں آئے اور لکھا کہ یہ غلیظ اور کم درجے کا سنسنی خیزی ہے، یہ صحافت نہیں سستا تھیٹر معلوم ہوتا ہے، متنازعہ ریمارکس پر غریدہ فاروقی اور ان کے مہمانوں کو معافی مانگنی چاہیے۔
It’s filthy n low grade sensational. It is good to see no serious journalist is supporting this sort of cheap theatric as it’s not journalism at all. Ghareeda Farooqi n her guests must apologise https://t.co/9J8rFcLGLv
— Mirza Shahzad Akbar (@ShazadAkbar) February 12, 2022
واضح رہے کہ گذشتہ روز ایک نجی ٹی وی چینل پر وزیراعظم کی جانب سے وزرا کو کارکردگی پر سرٹیفکیٹ دینے پر متنازع گفتگو کی گئی تھی، جس پر پیمرا نے سخت ایکشن لیتے ہوئے مذکورہ چینل کی ملک بھر میں نشریات بند کرنے کے احکامات جاری کئے تھے۔
