آئرش بلے باز پال سٹرلنگ ایک بار پھر اسلام آباد یونائیٹڈ میں شامل ہو گئے ہیں اور آج رات پاکستان سپر لیگ کے سیزن ایلیمینیٹر 2 کے لیے لاہور قلندرز کے خلاف دستیاب ہیں۔
کوویڈ قوانین میں نرمی کی وجہ سے آئرش بلے باز پاکستان پہنچنے پر فوری طور پر میچ کھیلنے کے اہل ہیں اور ان کا پی سی آر ٹیسٹ بھی منفی آیا ہے۔
اسٹرلنگ نے بین الاقوامی ڈیوٹی پر جانے سے پہلے پی ایس ایل کے پانچ کھیل کھیلتے ہوئے ٹیم کی کامیابیوں میں اہم کردار ادا کیا تھا۔
واضح رہے کہ پشاور زلمی کے عثمان قادر اور ہاشم آملہ کورونا مثبت آنے کے باعث ہوٹل آئیسولیشن میں تھے تاہم پی سی بی کے میڈیکل ایڈوائزری پینل کی مشاورت سے منظور ہونے والی ہیلتھ اینڈ سیفٹی پروٹوکولز کی ترامیم کی روشنی میں انہیں میچ کھیلنے کی اجازت دی گئی تھی۔
انجری مسائل سےدوچار اسلام آباد یونائیٹڈ میں کپتان شاداب خان اورایلیکس ہیلز کی واپسی ہوئی ہے جبکہ ول جیکس کی شمولیت بھی کمبی نیشن کو مضبوط بنائے گی۔
فائنل میں جگہ بنانے کیلئے آج لاہور قلندرز اور اسلام آباد یونائیٹڈ کی ٹیمیں ٹکرائیں گی، دوسرے ایلی منیٹر کی فاتح ٹیم فائنل میں ملتان سلطانز سے کپ جیتنے کی جنگ لڑے گی۔