ملک بھر کی ایمرجنسی ہیلپ لائنز کو قومی ہیلپ لائن کے ساتھ منسلک کرنےکا منصوبہ تیار کر لیا گیا، وزیراعظم عمران خان یکم رمضان المبارک کو قومی ہیلپ لائن 911 کا افتتاح کریں گے۔
ذرائع کے مطابق 911 ہیلپ لائن ملک بھرکی تمام ایمرجنسی ہیلپ لائن کےساتھ منسلک ہوگی جس پر کال کرنے سے تمام ایمرجنسی رسپانس اداروں سے رابطہ ممکن ہو گا۔
وزیراعظم کی زیر پاکستان ایمرجنسی ہیلپ لائن 911 پر جائزہ اجلاس ہوا جس میں وزیراعظم نے کہا کہ لوگوں کی جان ومال کاتحفظ ہماری اولین ترجیح ہے ہیلپ لائن کاآغازلوگوں کیلئےون اسٹاپ ایمرجنسی ریلیف پوائنٹ ہو گا۔
Securing life and property of People is our utmost priority, said Prime Minister Imran Khan while chairing a review meeting on Pakistan Emergency Helpline (PEHEL)-911.@ImranKhanPTI pic.twitter.com/KRhjCuoWl4
— PTV News (@PTVNewsOfficial) March 2, 2022
وزیراعظم کو بریفنگ میں بتایا گیا کہ فائربریگیڈ، پولیس، ہیلتھ اسسٹنس، ڈیزاسٹرریکوری کو ضم کر دیا جائےگا، موٹروے پولیس و دیگر 36 انفرادی ایمرجنسی نمبرز کو بھی 911 میں ضم کیاجائےگا۔
ضرورت مند کو صرف 911ڈائل کرنا ہو گا جس کے بعد کال سینٹراس کی کال کومتعلقہ سرکاری ایجنسی کوبھیج دے گا۔ منصوبہ وزارت آئی ٹی اوروزارت داخلہ کامشترکہ منصوبہ ہے۔
وزیراعظم نے ہدایت کی کہ متعلقہ حکام آپریشن کو یقینی بنانے کیلئے تمام ضروری اقدامات کریں۔
