ریاض : سعودی عرب میں کورونا وائرس کی تباہ کاریوں کے نتیجے میں لگائی جانے والی پابندیوں میں سختی کے بعد اب نرمی کا اعلان کردیا۔
سعودی وزارت سپورٹس نے پورے ملک میں کورونا ایس او پیز میں نرمی کے فیصلے کے بعد اسٹیڈیم میں شائقین کے لیے ماسک پہننے کی پابندی ختم کردی ہے۔
سعودی ذرائع ابلاغ کے مطابق بیان میں کہا گیا کہ اسٹیڈیم میں سماجی فاصلے کی پابندی بھی اب ضروری نہیں رہی ہے۔
- Advertisement -
وزارت اسپورٹس نے کہا ہے کہ کھلے مقامات پر شائقین ماسک پہننے کے پابند نہیں ہوں گے البتہ انڈور مقامات میں ماسک کی پابندی کرنا ہوگی۔
وزارت اسپورٹس نے بیان میں ہدایت کی کہ شائقین کو اسٹیڈیم میں داخلے کے وقت توکلنا ایپ میں ویکسین ریکارڈ دکھانا ہوگا، ایسے افراد جنہوں نے ویکسین کی مطلوبہ خوراکیں نہیں لی ہوں گی انہیں اسٹیڈیم میں جانے کی اجازت نہیں ہوگی۔
