اسلام آباد: نور مقدم کے والد نے مجرمون کی سزا بڑھانے کے حوالے سے اسلام آباد ہائیکورٹ میں درخواست دائر کر دی ہے۔
تفصیلات کے مطابق نور مقدم کے والد نے مجرموں کی سزا بڑھانے کے لیے ہائیکورٹ میں درخواست دائر کی ہے، جس میں ظاہر ذاکر جعفر، محمد افتخار اور محمد جان کو فریق بنایا گیا ہے۔
درخواست میں کہا گیا ہے کہ سزاؤں کے حکم میں مجرموں کے حق میں ٹرائل کورٹ کی جانب سے نرمی برتی گئی ہے، موجودہ کیس قانون اور حقائق کے مطابق نہیں ہے۔
نور مقدم قتل کیس : مجرم کی سزا کے خلاف اپیل پر شوکت مقدم اور وفاق کو نوٹس جاری
درخواست میں کہا گیا کہ دستیاب شواہد کے ریکارڈ سے ظاہر ہو چکا ہے کہ جواب دہندگان نمبر 01 تا 03 اپنے متعلقہ الزامات کے حوالے سے مکمل طور پر ملوث تھے، وقوعہ کا وقت، مقام اور طریقہ دفاع مقدمے کے جج نے تسلیم کیا۔
نور مقدم قتل کیس کا تفصیلی فیصلہ جاری
درخواست کا مؤقف تھا کہ ٹرائل کورٹ نے فیصلہ سناتے ہوئے سزا کی مقدار کے حوالے سے طے شدہ اعلیٰ عدالتوں کے متعلقہ اصولوں کی خلاف ورزی کی، ایک معصوم انسان کے لرزہ خیز، افسوس ناک اور وحشیانہ قتل پر عوام میں شدید غم و غصہ پایا جاتا ہے۔
