پاکستان اور آسٹریلیا کے درمیان وائٹ بال سیریز راولپنڈی سے لاہور منتقل کرنے پر غور کیا جارہا ہے۔
وفاقی دارالحکومت اسلام آباد کی ممکنہ صورتحال کے پیش نظر پاکستان کرکٹ بورڈ نے وائٹ بال سیریز کو پنڈی سے لاہور منتقل کرنے کی تیاری کر لی ہے۔
پاکستان اور آسٹریلیا کے درمیان تین ون ڈے میچز پر مشتمل سیریز کا آغاز انتیس مارچ سے ہوگا دونوں ٹیموں کے درمیان ایک ٹی ٹوئنٹی میچ بھی شیڈول ہے۔
دونوں سیریز کی ٹکٹس تاحال فروخت کے لیے پیش نہیں کی گئیں جس سے پی سی بی کو وینیو کی تبدیلی میں زیادہ مشکلات کا سامنا نہیں کرنا پڑے گا۔
واضح رہے کہ حکومت اور اپوزیشن نے سیاسی گہماگہمی میں عوامی اجتماعات منعقد کر کے پاور شو کرنے کا فیصلہ کیا ہے۔ حکومتی جماعت تحریک انصاف نے 27 مارچ کو 10 لاکھ لوگوں کو ڈی چوک پر جمع کرنے کی کال دی ہے تو اپوزیشن نے 23 مارچ سے اسلام آباد کی جانب لانگ مارچ کی کال دے رکھی ہے۔
