سعودی وزارت حج و عمرہ نے 6 لاکھ سے زائدعمرہ ویزے جاری کر دیے۔
سعودی وزارت حج و عمرہ کے مطابق ابتک 6 لاکھ 32 ہزار 712 عمرہ ویزےجاری کئےگئے ہیں اور عمرہ زائرین کی کل تعداد5 لاکھ 71ہزار 687 ریکارڈ کی گئی۔
اسی طرح عمرہ ادائیگی کے بعد مملکت سے واپس جانے والوں کی تعداد 4 لاکھ 58 ہزار 366 ہے۔
- Advertisement -
اعداد و شمار میں بتایا گیا ہے کہ فضائی راستوں سے 5 لاکھ 31 ہزار 546 ، بری راستے سے 40 ہزار 69 زائرین مدینہ منورہ اور مکہ مکرمہ پہچنے جب کہ بحری راستے آنے والوں کی تعداد 72 تھی۔
محکمہ پاسپورٹ مکہ مکرمہ کے ترجمان عبدالرحمان القثامی کا کہنا ہے کہ قانون کے مطابق اگر کوئی حاجی یا عمرہ زائر مقررہ وقت پر مملکت سے واپس نہیں جاتا تو فی زائر متعلقہ حج و عمرہ کمپنی پر 25 ہزار ریال جرمانہ کیا جاتا ہے یہ جرمانہ کمپنیوں پر ہوتا ہے۔
