پاکستان تحریک انصاف نے 27 مارچ کو اسلام آباد میں 10 لاکھ لوگوں کے جلسے کی جگہ تبدیل کر دی۔
تحریک انصاف کے سینیٹر فیصل جاوید نےٹوئٹر پر جاری بیان میں جلسے کا مقام تبدیل کرنے کا اعلان کرتے ہوئے کہا کہ ڈی چوک میں جگہ کم پڑنے کے سبب پریڈ ایونیو میں جلسہ کیا جائے گا۔
انہوں نے لکھا کہ ڈی چوک والی جگہ جلسہ کےلئےچھوٹی پڑجائےگی پریڈ ایونیو کےلیے انتظامیہ کودرخواست دی ہے ملک بھر سے بڑی تعدادمیں لوگ اسلام آبادپہنچ رہےہیں۔
ہمارے جلسے کے لیے ویسے بھی اب ڈی چوک چھوٹی جگہ پڑ جائے گی – جس تعداد میں عوام آ رہے ہیں پریڈ ایونیو مناسب جگہ رہے گی – یہ جلسہ پاکستان کی تاریخ کا سب سے بڑا جلسہ ہو گا انشاء اللہ – پوری قوم کا اعتماد وزیراعظم عمران خان کے ساتھ ہے – اپوزیشن کی شکست یقینی ہے انشاء اللہ
— Faisal Javed Khan (@FaisalJavedKhan) March 21, 2022
فیصل جاوید کا کہنا تھا کہ فیصلہ کن گھڑی آن پہنچی ہے قوم نےفیصلہ کرلیا ہے اپوزیشن کاشکریہ ، ان کی وجہ سے ہمارا سویا کارکن جاگ گیا، منحرف اراکین کےخاندانوں،حلقوں سےردعمل آرہاہے۔
ضلعی انتظامیہ کی حکومت اور اپوزیشن کو جلسوں کا مقام تبدیل کرنے کی تجویز
پی ٹی آئی رہنما علی نواز اعوان نے بیان میں کہا کہ پریڈگراؤنڈکی جگہ بھی جلسےکےلیےکم پڑےگی عمران خان نےکہاتھاکہ جب میں آؤں گایہ چواکٹھےہوں گے یہ حق وباطل کی جنگ بن چکی ہے ایک طرف حق کھڑا ہے اور دوسری طرف باطل ۔