کراچی : جعلی پولیس اہلکار نوٹوں کے ہار بنانے والے شہری سے ایک کروڑ 15 لاکھ روپے لے اڑے، واقعے کا مقدمہ سمن آباد تھانے میں درج کرلیا گیا ہے۔
تفصیلات کے مطابق کراچی کے علاقے شاہراہ پاکستان پر مبینہ جعلی پولیس اہلکاروں نے بڑی واردات کی اور قصور کے شہری سے ایک کروڑ 15 لاکھ روپے لوٹ کر فرار ہوگئے۔
واقعے کا مقدمہ سمن آباد تھانے میں درج کرلیا گیا ، جس میں مدعی رمضان نے بتایا کہ قصور کا رہائشی ہوں ، شادی بیاہ میں نوٹوں کےہارکا کام کرتا ہوں اور کاروباری سلسلےمیں کل نئےنوٹ لینے میٹھادر پہنچا تھا۔
مدعی مقدمے کا کہنا تھا کہ 78لاکھ روپے کے 10والے نوٹ13 بوروں میں پیک تھے،م کرائے پر سوزوکی لی اور تمام بورے پیچھے رکھ دیئے۔
اس دوران سہراب گوٹھ اڈے کی جانب جاتے ہوئے شاہراہ پاکستان پر روکا گیا اور ملزمان نے خود کو پولیس ظاہر کر کے شاہراہ پاکستان پر نوٹوں کے بورے چھینے۔
