پاکستان اور آسٹریلیا کے مابین دو دہائیوں بعد پاک سرزمین پر ہونے والی ٹیسٹ سیریز کو کھلاڑیوں نے شاندار پرفارمنس سے یادگار بنا دیا۔
تین میچوں کی سیریز تجربے اور نوجوان ٹیلنٹ کا بہترین امتزاج تھا جس میں ہر ایک نے دوسرے کو زیر کرنے کی پوری کوشش کی۔
ابتدا سے ہی مہمان اور میزبان پلیئرز نے کھیل کو خوب انجوائے کیا خاص کر میدان میں ڈیوڈ وارنر کے مزاحیہ انداز نے تماشائیوں کو محظوظ کیے رکھا۔
- Advertisement -
کبھی وہ شاہین آفریدی کی نقل اتارتے رہے تو کبھی حسن علی کا انداز اپنایا، ساتھیوں پلیئرز کے ساتھ خوشگوار انداز اپنایا تو کبھی حریفوں سے تلخی ہوئی۔
محمد رضوان، امام الحق، شاہین آفریدی، بابراعظم سمیت سبھی کھلاڑی مہمانوں سے گھلے ملے تو نسیم شاہ جیسے اسٹار بولر سے آسٹریلوی پلیئرز اپنے تجربات شیئر کرتے رہے۔
