سوشل میڈیا پر آئے روز نت نئی ویڈیوز وائرل ہوتی رہتی ہیں جسے دیکھ کر لوگ دنگ رہ جاتے ہیں۔
ایسی ہی ایک ویڈیو بھارتی ریاست کیرالہ سے سامنے آئی ہے جہاں سائیکل سوار لڑکا بس کی زد میں آنے سے معجزانہ طور پر بچ گیا اور اس کی سائیکل تباہ ہوگئی۔
یہ واقعہ گزشتہ دنوں کیرالہ کے کننور میں تالیپرمبا کے قریب پیش آیا جس کی ویڈیو سی سی ٹی وی کیمرے میں محفوظ ہوگئی۔
ویڈیو میں دیکھا جاسکتا ہے کہ سائیکل پر سوار لڑکے نے تیزی سے سڑک عبور کرنے کی کوشش کی جیسے وہی سڑک پر آیا تو پہلے موٹر سائیکل سے ٹکراتے ہوئے سڑک کی دوسری طرف اڑتے ہوئے جا گرا۔
اتنی دیر میں بس بھی آئی اور نوجوان کی سائیکل کو کچل ڈالا لیکن نوجوان بس کی زد میں آنے سے معجزانہ طور پر محفوظ رہا۔
ویڈیو میں لڑکے کو اٹھتے ہوئے دیکھا جاسکتا ہے کہ اور کسی قسم کی کوئی چوٹ نہیں آئی۔
KANNUR BOY'S MIRACULOUS ESCAPE…
In a miraculous escape, a 9 year old boy ended up without any serious injuries after his cycle was hit by a state transport bus in #Kerala's #Kannur. WATCH!
#Accident #BicycleAccident #BusAccident #RoadSafety #KSRTC pic.twitter.com/QiqYoZxI12— Safa 🇮🇳 (@safaperaje) March 24, 2022
سوشل میڈیا پر واقعے کی ویڈیو تیزی سے وائرل ہورہی ہے اور صارفین کی جانب سے لڑکے کو ہی قصور وار ٹھہرایا جارہا ہے، ایک صارف نے لکھا کہ ’لڑکے کی غلطی ہے وہ رانگ سائیڈ سے اچانک سڑک پر آگیا۔
ایک دوسرے صارف نے لکھا کہ موٹر سائیکل سے ٹکرانے پر اس کی جان بچ گئی ورنہ وہ بس کی زد میں آسکتا تھا۔