اسلام آباد: پی ٹی آئی جلسے میں گلوکار ابرارالحق کے سوال پر عوام نے ایبسولوٹلی ناٹ کے فلک شگاف نعرے لگائے۔
تفصیلات کے مطابق اسلام آباد میں پریڈ گراؤنڈ میں پاکستان تحریک انصاف کے امر بالمعروف جلسے میں گلوکار اور پی ٹی آئی رہنما ابرار الحق نے بھی شرکا سے نعرے لگوائے۔
اسٹیج پر موجود ابرار الحق نے شرکا سے سوال کیا ’کیا تم چوروں کے ساتھ ہو؟‘ عوام نے اس پر نعرہ لگا کر جواب دیا ’ایبسولوٹلی ناٹ‘۔
- Advertisement -
ابرار الحق نے کئی نعرے لگوائے اور پنڈال میں موجود پی ٹی آئی شرکا کا جوش و جذبہ بیدار کیا، گلوکار نے سوال کیا ’ کیا تم مکاروں کے ساتھ ہو؟‘ جلسے کے شرکا نے ہم آواز ہو کر جواب دیا ’ایبسولوٹلی ناٹ۔‘
ابرار الحق نے ایک اور نعرے میں سوال کیا ’کیا تم لوٹوں کے ساتھ ہو؟‘ عوام نے فلک شگاف نعروں میں جواب دیا ’ایبسولوٹلی ناٹ۔‘
