پی ٹی آئی سینیٹر فیصل جاوید نے کہا ہے کہ معاملات طے ہوگئے ہیں پنجاب کے وزرات اعلیٰ پرویز الٰہی کو دی جائیگی۔
قومی اسمبلی میں تحریک عدم اعتماد پیش کرنے کے بعد پل پل بدلتی صورتحال پر پی ٹی آئی سینیٹر فیصل جاوید نے ٹوئٹ کرتے ہوئے کہا ہے کہ اللہ پاکستان کو کامیاب وکامران کرے، عدم اعتماد کی سازش ناکام ہوگی۔
معملات طے!یہ بازی کپتان ہی جیتے گا-ایک گیند سے تین وکٹیں-اسکا کریڈٹ قوم کو جاتا ہے-اللہ تعالی پاکستان کو کامیاب و کامران کرے-عدم اعتماد کی سازش ناکام -عثمان بزدار نے کہا کہ انکے لیے اپنی وزارت اعلیٰ اہم نہیں-وزیراعظم عمران خان اہم ہیں پنجاب کے وزیر اعلیٰ کے لیے پرویز الہٰی نامزد
— Faisal Javed Khan (@FaisalJavedKhan) March 28, 2022
فیصل جاوید نے مزید کہا کہ معاملات طے پاگئے ہیں، یہ بازی کپتان ہی جیتے گا اور ایک بال پر تین وکٹوں کا کریڈٹ قوم کو جاتا ہے۔
انہوں نے مزید لکھا کہ عثمان بزدارنے کہا کہ ان کیلئے وزارت اہم نہیں بلکہ وزیراعظم اہم ہیں۔
اس سے کچھ دیر قبل فیصل جاوید نے ٹوئٹ کرتے ہوئے کہا تھا کہ حکومت کہیں نہیں جارہی بلکہ پہلے سے زیادہ مضبوط ہونے جارہی ہے۔
حکومت کہیں نہیں جارہی-حکومت پہلے سے زیادہ مظبوط ہونے جارہی ہے-اپوزیشن کو تحریک عدم اعتماد میں شکست ہورہی ہے- انشاء اللہ کامیابی وزیراعظم عمران خان کی ہے-اسکاکریڈٹ اس قوم کو جاتا ہے- عدم اعتماد کی ناکامی کےبعد وزیراعظم عمران خان اس قوم کو مزید خوشخبریاں دیں گے-جلد ہم جشن منائیں گے
— Faisal Javed Khan (@FaisalJavedKhan) March 28, 2022
انہوں نے کہا تھا کہ اپوزیشن کو تحریک عدم اعتماد میں شکست ہونے جارہی ہے اور انشا اللہ کامیابی عمران خان کا ہے۔ عدم اعتماد کی ناکامی کے بعد وزیراعظم عمران خان اس قوم کو مزید خوشخبریاں دیں گے اور ہم جلد ہی جشن منائیں گے۔