آسکر اور گریمی ایوارڈز 2022 میں بھارتی معروف گلوکارہ لتا منگیشکر اور گلوکار بپی لہری کو خراج عقیدت پیش نہ کرنے پر بھارتیوں میں غم و غصے کی لہر دوڑ گئی۔
رواں ماہ آسکر اور گریمی ایوارڈز 2022 کے سلسلے میں ہونے والی تقریبات میں بھارتی معروف گلوکارہ لتا منگیشکر اور گلوکار بپی لہری کو خراج عقیدت پیش نہ کرنے پر بھارتی سوشل میڈیا پر سیخ پا نظر آ رہے ہیں۔
گزشتہ روز لاس ویگس میں منعقد ہونے والے 64 ویں گریمی ایوارڈز میں، ایوارڈز کی انتظامیہ لیجنڈ گلوکارہ لتا منگیشکر اور بپی لہری کو خراج عقیدت پیش کرنا بھول گئی، جس کے نتیجے میں بھارتیوں میں غم و غصے کی لہر دوڑ گئی ہے۔
#GRAMMYs #LataMangeshkar Grammys just remembered #all musicians who died last year. Missing #LataMangeshkar they missed big
— Split into two (@delchicago1) April 4, 2022
گزشتہ روز منعقد ہونے والے گریمی ایوارڈز 2022 اور اس سے قبل 27 فروری کو اکیڈمی ایوارڈز کی 94ویں تقریب، آسکر ایوارڈز 2022 کے دوران دونوں ایوارڈز کی انتظامیہ نے اپنے میموریم سیکشن میں دو بھارتی لیجنڈ گلوکاروں کو خراج عقیدت حتیٰ کہ ان کا ذکر تک نہیں کیا۔
#GRAMMYs didn’t pay tribute to the greatest singer of Indian history: #LataMangeshkar or #bappilahiri
— Philosopher (@SpiritualityMe) April 4, 2022
گزشتہ روز گریمی ایوارڈ 2022 کے میموریم سیکشن کے دوران براڈوے کے مرحوم موسیقار اسٹیفن سونڈہیم، ٹیلر ہاکنز اور ٹام پارکر کو خراجِ عقیدت پیش کیا گیا تھا۔
دوسری جانب رواں سال ہی انتقال کر جانے والے بھارتی گلوکاروں لتا منگیشکر یا بپی لہری کا اس ایوارڈ شو کے دوران کوئی ذکر نہیں کیا گیا۔
Wow Grammys didn’t even to bother mentioning #LataMangeshkar . Do you even know her level and contribution to song and music?#GRAMMYs
— bigmonu (@bigmonu) April 4, 2022
آسکر اور گریمی کی انتظامیہ کی جانب سے ان دو بھارتی لیجنڈز کو نظر انداز کیے جانے پر بھارتی شائقین کافی نالاں نظر آرہے ہیں جس کا اظہار وہ سماجی رابطے کی ویب سائٹ ٹویٹر پر کر رہے ہیں۔
واضح رہے کہ گزشتہ سال اکیڈمی ایوارڈز، آسکر نے اپنے میموریم سیکشن میں عرفان خان، بھانو اتھیا، سوشانت سنگھ راجپوت اور رشی کپور کو شامل اور خراجِ عقیدت پیش کیا تھا۔
