پی ٹی آئی رہنما فیصل جاوید نے کہاہے کہ آج رات پی ٹی آئی اسلام آباد کا احتجاج ہوگا، عوام آج کے میر جعفر، میر صادق کیخلاف باہر نکلیں۔
پی ٹی آئی رہنما فیصل جاوید نے سماجی رابطے کی ویب سائٹ ٹوئٹر پر ٹوئٹ پیغام میں عوام کو آج اسلام آباد میں ہونیوالے پارٹی کے احتجاج میں فیملی سمیت شرکت کی دعوت دی ہے۔
فیصل جاوید نے اپنے ٹوئٹ میں لکھا ہے کہ آج پی ٹی آئی اسلام آباد کا احتجاج رات9 بجے ایف9 پارک میں ہو گا، فیملیز کو خصوصی دعوت، آئیں اور حق کے لیے آواز بلند کریں۔
آج انشاء اللہ پاکستان تحریک انصاف اسلام آباد کا احتجاج رات 9 بجے ایف نائن پارک میں ہو گا – فیملیز کو خصوصی دعوت – آئیں اور حق کے لیے آواز بلند کریں- آج کے میر جھفر اور میر صادق کے خلاف باہر نکلیں اور ملک کی خودداری پر کوئی سمجھوتہ نہ کریں – اللہ تعالیٰ پاکستان کو کامیاب کرے آمین
— Faisal Javed Khan (@FaisalJavedKhan) April 5, 2022
پی ٹی آئی رہنما نے اپنے ٹوئٹر پیغام میں مزید لکھا ہے کہ آج کے میر جعفر اور میر صادق کے خلاف باہر نکلیں، ملکی خودداری پر سمجھوتہ نہ کریں، اللہ پاکستان کو کامیاب کرے۔
واضح رہے کہ وزیراعظم عمران خان نے گزشتہ روز عوام سے براہ راست ٹیلیفونک رابطے کے دوران ملک سے ہونیوالی غداری کیخلاف اسلام آباد میں احتجاج کا اعلان کیا تھا۔