بھارت میں ڈیوٹی پر موجود ٹریفک پولیس کے اہلکار کو بپھرے بیل نے اٹھا کر پٹخ دیا جس کی ویڈیو سوشل میڈیا پر وائرل ہوگئی۔
بھارتی دارالحکومت نئی دہلی کے شیرپور چوک پر ٹریفک اہلکار اپنے فرائض کی انجام دہی میں مصروف تھا کہ اچانک اس پر بیل نے حملہ کردیا، واقعے کی ویڈیو سی سی ٹی وی کیمرے میں محفوظ ہوگئی۔
ویڈیو میں دیکھا جاسکتا ہے کہ پولیس اہلکار اپنے ہاتھ میں موبائل فون تھامے سڑک کے کنارے پر کھڑا ہے اسی اثنا میں ایک بیل پولیس اہلکار پر حملہ کرکے اسے اٹھا کر پٹخ دیتا ہے۔
پولیس اہلکار گیان سنگھ کو اس کے ساتھی اہلکاروں نے اسپتال منتقل کیا جہاں اسے ابتدائی طبی امداد دینے کے بعد ڈسچارج کردیا گیا۔
A Delhi cop was attacked by a bull on Thursday evening in the city's Dayalpur area. The constable is fine now and has been discharged from the hospital pic.twitter.com/T0SnnE7sJu
— Abhimanyu Kulkarni (@SansaniPatrakar) April 2, 2022
ویڈیو سوشل میڈیا پر وائرل ہوئی تو صارفین کی جانب سے حکام کو تنقید کا نشانہ بنایا گیا۔
ایک صارف نے لکھا کہ دہلی میں آوارہ مویشیوں کے مسئلے کو حل کیا جانا چاہیے، ایک اور صارف نے لکھا کہ کیا دہلی کے میئر اور وزیر داخلہ اس کانسٹیبل سے معافی مانگیں گے؟
ایک تیسرے صارف نے لکھا کہ ویڈیو میں فرسٹ ایڈ کی کمی نظر آئی حادثے کی وجہ سے اہلکار مفلوج بھی ہوسکتا تھا۔