ٹی وی پر براہ راست نشریات کے دوران بہت سے دلچسپ واقعات پیش آتے ہیں جن کی ویڈیوز سوشل میڈیا پر وائرل ہوجاتی ہیں، حال ہی میں ایسی ہی ایک وائرل ویڈیو میں ایک ماہر موسمیات کو براہ راست نشریات کے دوران گھر فون کر کے اہل خانہ کو طوفان سے خبردار کرتے دیکھا جاسکتا ہے۔
امریکی ماہر موسمیات نے براہ راست پروگرام کے دوران اہل خانہ کو طوفان کی اطلاع دینے کے لیے کال کر ڈالی جس کی ویڈیو سوشل میڈیا پر وائرل ہو گئی ہے۔
چیف میٹرولوجسٹ ڈوگ کیمرر جن کا تعلق واشنگٹن سے ہے، انہوں نے اپنے شو کی لائیو نشریات کو روک کر اہل خانہ کو کال کرکے آنے والے طوفان کے بارے میں خبردار کیا۔
— Lina Mizerek (@LinaMizerek) April 1, 2022
اس حوالے سے ڈوگ کیمرر نے ٹویٹر پر لکھا کہ جب وہ طوفان کی وارننگ کے بارے میں خبر دے رہے تھے تو انہوں نے دیکھا کہ یہ طوفان ان کے گھر کے بہت قریب جا رہا تھا اور وہ جانتے تھے کہ ان کی اہلیہ اس وقت گھر پر نہیں ہیں اور انہیں اپنے بچوں کو طوفان کے بارے میں خبردار کرنا ہے۔
انہوں نے اپنے ٹویٹ میں مزید لکھا کہ ان کے بچے خیریت سے ہیں۔
As I was talking about the Tornado warning and zooming in on street level, I saw that it was going very close to my house and I knew I had to warn my kids. Mom wasn’t home at the time. They are safe, thank goodness! Thanks for the concern everyone. https://t.co/6YQ44iQlz9
— Doug Kammerer (@dougkammerer) April 1, 2022
ماہر موسمیات کا کہنا تھا کہ یہ ان کی لیے بہت ہی خوفناک لمحہ تھا اور وہ اندر ہی اندر بے حد گھبرائے ہوئے تھے۔
ڈوگ کیمرر کی یہ ویڈیو سوشل میڈیا پر بے حد وائرل ہوئی اور ان کے اس عمل کو بہت سراہا گیا۔
