ملک میں جاری سیاسی ہلچل نے ڈالر کی اڑان اور روپے کی بے قدری کو بڑھا دیا اور ڈالر ملکی تاریخ کی بلند ترین سطح پر پہنچ گیا
جمعرات کے دن انٹر بینک میں ڈالر ایک روز میں ریکارڈ ایک روپے 17 پیسے مہنگا ہوگیا اور 187 روپے 30 پیسے پر ٹریڈنگ جاری ہے۔
اوپن مارکیٹ میں ڈالر 188 روپے سے زائد قیمت میں فروخت ہورہا ہے۔
واضح رہے کہ ملک میں جاری سیاسی افراتفری کے باعث گزشتہ 2 ہفتے سے پاکستانی روپے کی قدر میں بڑی کمی ہوچکی ہے۔
ایک ہفتے کے دوران ڈالر کے مقابلے میں پاکستانی روپے کی قدر میں تقریبا 3 روپے کمی واقع ہوئی ہے۔
گزشتہ روز بھی ڈالر کی قیمت میں 83 پیسے کا اضافہ ریکارڈ کیا گیا تھا۔
