کراچی : ایم کیو ایم کے قائد الطاف حسین نے کارکنوں کے بے حد اصرار پرمتحدہ قومی موومنٹ کی قیادت چھوڑنے کا فیصلہ واپس لے لیا، الطاف حسین کی قیادت سےعلیحدگی کےاعلان کےبعد کارکنان بڑی تعداد میں نائن زیروپہنچ گئے تھے۔
ان کا کہناتھا کہ آخری بارکارکنوں کی بات مان کر فیصلہ واپس لیا ہے،ایم کیوایم کے قائد الطاف حسین نے اے آر وائی نیوز سے خصوصی گفتگو میں کہا ہے کہ ان کے باربارکہنے کے باوجودرابطہ کمیٹی نے اپنا طرزعمل تبدیل نہیں کیا۔
اے آروائی نیوزسے خصوصی بات چیت میں ایم کیو ایم کے قائد الطاف حسین کا کہنا تھا کہ ان میں بے وفائیاں اور دکھ سہنے کی سکت نہیں رہی، الطاف حسین کا کہنا تھا کہ جب وہ لندن میں گرفتار ہوئےتو پارٹی کے کچھ رہنماؤں نے خوشیاں منائیں۔
الطاف حسین نے کہا کہ وہ پارٹی کی تمام ذمےداریاں رابطہ کمیٹی کے سپردکرتے ہیں،رابطہ کمیٹی اب پارٹی کو ذمے داری ایمانداری اوراعلیٰ ظرفی سے چلائے ۔
ایم کیو ایم کے قائد نے کہاکہ انہوں اپنےتمام رشتےدار،دوست احباب تحریک پرقربان کردیےتاہم جب تک زندہ ہیں سچ اورحق کی خاطرلڑتےرہیں گے۔
