پیزا بچوں اور عموماً بڑوں کو بھی بے حد پسند ہوتا ہے، گزشتہ کچھ عرصے میں پیزا میں جدت پیدا کر کے اسے نئے انداز سے پیش کیا گیا جیسے پیزا فرائز اور پیزا پراٹھا وغیرہ۔
آج ہم آپ کو پیزا رول بنانے کی ترکیب بتا رہے ہیں۔
اجزا
بون لیس چکن: 1 کپ
شملہ مرچ: چوتھائی کپ
پیاز: چوتھائی کپ
ٹماٹر: چوتھائی کپ
زیتون: 8 عدد
موزریلا چیز: 1 کپ
لہسن کا جوس: 2 کھانے کے چمچ
نمک: حسب ذائقہ
کالی مرچ: 1 چائے کا چمچ
پیپریکا: آدھا چائے کا چمچ
اوریگانو: 1 چائے کا چمچ
کیچپ: 1 کپ
روٹی کے لیے
میدہ: 2 کپ
خمیر: 1 چائے کا چمچ
نمک: 1 چائے کا چمچ
پسی ہوئی چینی: 2 کھانے کے چمچ
ترکیب
سب سے پہلے پیاز، شملہ مرچ اور ٹماٹر کو سلائس میں چوپ کر لیں۔
چکن کو بھی چھوٹے چھوٹے پیسز میں کاٹ لیں۔
پتیلی میں 4 کھانے کے چمچ تیل میں چکن، نمک، کالی مرچ، پیپریکا اور اوریگانو شامل کر کے مکس کریں۔
پھر پیاز، شملہ مرچ، ٹماٹر، زیتون اور چیز ڈال کر مکس کریں۔
میدے میں خمیر، نمک، چینی اور ڈال کر گوندھ لیں اور 25 منٹ بعد روٹی بنا لیں۔
روٹی پر کیچپ لگا کر چکن رکھیں اور رول بنا لیں۔
