مشہور گلوکارہ جینیفر لوپیز اور ہالی ووڈ اداکار بین ایفلیک نے پھر سے منگنی کر لی ہے۔
52 سالہ گلوکارہ جینیفر لوپیز نے تصدیق کی ہے کہ انھوں نے 49 سالہ بین ایفلیک سے منگنی کر لی ہے، اس سلسلے میں جینیفر نے اپنے سوشل میڈیا اکاؤنٹ پر ایک مختصر ویڈیو شیئر کی ہے، جسے انھوں نے عنوان دیا ‘بڑا اعلان!’
انھوں نے ویڈیو میں کہا میرے پاس شیئر کرنے کے لیے واقعی ایک دل چسپ اور بہت خاص کہانی ہے۔ انھوں نے سبز رنگ کی ہیرے کی انگوٹھی پر نظریں جماتے ہوئے کہا تم پرفیکٹ ہو۔
یاد رہے کہ گِگلی میں ایک ساتھ اداکاری کرنے والی اس جوڑی نے 2002 میں منگنی کی تھی۔
اس سے قبل جینیفر لوپیز کی تین شادیاں طلاق پر ختم ہوئیں جب کہ انھوں نے اداکار بین ایفلیک سمیت دیگر چند اداکاروں سے شادی کرنے سے قبل ہی منگنیاں ختم کی تھیں، جینیفر لوپیز کی طرح بین ایفلیک کی بھی ایک شادی 2018 میں طلاق پر ختم ہوئی تھی۔
Major announcement!!!! https://t.co/G5oGxtX0z5 pic.twitter.com/HTIqbHMJ2M
— jlo 💍 (@JLo) April 9, 2022
دو دہائیوں بعد دوبارہ تعلقات استوار ہونے سے قبل بین ایفلیک اور جینیفر لوپیز کے درمیان ابتدائی طور پر 2001 میں تعلقات استوار ہوئے تھے اور دونوں نے منگنی بھی کی تھی مگر ان کے درمیان 2003 کے اختتام پر علیحدگی ہوگئی تھی۔
انڈسٹری کی دونوں شخصیات کے درمیان دوبارہ تعلقات ایک سال قبل استوار ہوئے تھے، جب مارچ 2021 میں چوتھی شادی کے بندھن میں بندھنے سے قبل جینیفر نے منگنی ختم کر دی تھی، اور پھر جون میں پرانے ساتھی اداکار بین ایفلیک کے ساتھ ان کی قربتوں کی خبریں میڈیا کی زینت بننے لگیں۔
