گورنر سندھ عمران اسماعیل نے مستعفی ہونے کا اعلان کرتے ہوئے کہا ہے کہ شہباز شریف کے وزیراعظم بنتے ہی مستعفی ہوجاؤں گا۔
اے آر وائی نیوز کے مطابق گورنر سندھ عمران اسماعیل نے مستعفی ہونے کا اعلان کرتے ہوئے کہا ہے کہ میں نے استعفیٰ لکھ کر رکھ لیا ہے اور شہباز شریف کے وزیراعظم بنتے یہ مستعفی ہوجاؤں گا اور اپنا استعفیٰ صدر مملکت کو بھجوا دونگا۔
عمران اسماعیل کا مزید کہنا تھا کہ میں نے پیکنگ شروع کردی ہے اور دو روز میں گورنر ہاؤس سے منتقل ہوجاؤں گا۔
واضح رہے کہ اس سے قبل پی ٹی آئی کی پارلیمانی پارٹی کے اجلاس میں قومی اسمبلی کے مستعفی ہونے کا فیصلہ کیا گیا تھا۔
فیصلے کے بعد سابق وزیراعظم عمران خان سمیت اراکین اسمبلی نے اپنے استعفے اسپیکر قومی اسمبلی کو بھجوادیے۔
مزید پڑھیں: ‘عمران خان نے اسمبلی سے استعفیٰ دے دیا’
بعد ازاں نئے قائد ایوان کے انتخاب کے لیے قومی اسمبلی میں اجلاس میں پی ٹی آئی اراکین نے وزیراعظم کے انتخاب کے بائیکاٹ کا اعلان کردیا اور ایوان سے باہر آگئے۔
