جنوبی افریقہ میں طوفانی بارشوں کے باعث پیدا ہونے والی سیلابی صورتحال نے ہزاروں افراد کو بے گھر اور سیکڑوں کو ہلاک کردیا۔
غیر ملکی میڈیا کے مطابق جنوبی افریقہ کے صوبے کاوا زولو نیٹل 24 گھنٹوں کے دوران 300 ملی میٹر سے زائد بارش ریکارڈ کی گئی ہے جس سے معمولات زندگی درہم برہم ہو گئے ہیں۔
محکمہ موسمیات کا کہنا ہے کہ کچھ علاقوں میں چوبیس گھنٹوں میں ایک ماہ کے برابر بارش ہوئی ہے۔
شدید طوفانی بارشوں کے باعث پیدا ہونے والی سیلابی صورتحال سے سیکڑوں گھر پانی میں بہہ گئے جس کے باعث ہزاروں افراد کے سروں سے چھت چھن گئی ہے۔
سیلاب کی زد میں اکر تین سو افراد کی ہلاکت کی اطلاعات بھی عام ہورہی ہیں۔
صوبے کے رہائشیوں نے کہا کہ متاثرہ علاقوں میں اکثر گھر لوہے اور لکڑی کے بنے ہوئے ہیں اور وہ پانی کے بہاؤ کے سامنے ٹھہر نہ سکے۔
جنوبنی افریقی صدر نے اپنے عوام کے نام پیغام میں کہا کہ آپ اپنی تاریخ کے بدترین آفات میں سے ایک کا سامنا کر رہے ہیں اور ہم سمجھتے ہیں کہ ایسا صرف موزمبیق اور زمبابوے جیسے ملکوں میں ہوتا ہے۔
