بلند و بالا عمارتوں کے شیشے صاف کرنے والے ونڈو کلینرز ویسے تو ایک خطرناک کام انجام دے رہے ہوتے ہیں، لیکن کچھ ونڈو کلینرز کو اس خطرناک مقام پر ہوتے ہوئے مزید ایک اور مشکل کا سامنا کرنا پڑا۔
سوشل میڈیا پر وائرل ہونے والی ایک ویڈیو میں دیکھا جاسکتا ہے کہ 2 ونڈو کلینرز کام کے دوران ایک عقاب کی دشمنی مول لے بیٹھے۔
ویڈیو میں ایک بڑا سا عقاب 2 ونڈو کلینرز کے ارد گرد چکر لگا رہا ہے جبکہ دونوں افراد اس سے بچنے کے لیے لوہے کی سیڑھی کی آڑ میں چھپے ہوئے ہیں۔
View this post on Instagram
دونوں کلینرز کئی سو فٹ کی بلندی پر ہیں اور ایک بلند عمارت کے شیشے صاف کر رہے ہیں تاہم عقاب ان کے کام میں خلل ڈال رہا ہے۔
اس ویڈیو کو اب تک لاکھوں افراد دیکھ چکے ہیں، بعض افراد کا کہنا ہے کہ جس طرح یہ دونوں کلینرز عقاب سے بچنے کے لیے تیزی سے حرکت کر رہے ہیں اس سے کوئی حادثہ بھی پیش آسکتا ہے۔
ایک اور صارف کا کہنا ہے کہ کلینرز کئی سو فٹ کی بلندی پر ہیں اور ایک معمولی عقاب سے ڈر رہے ہیں۔
ایک صارف نے خیال پیش کیا کہ ہوسکتا ہے کہ وہ مادہ عقاب ہو اور اس کا گھونسلہ کہیں آس پاس ہو، اور وہ ان دونوں کو اپنے گھونسلے کے لیے خطرہ سمجھ رہی ہو۔