تحریک انصاف کے رہنما و سابق وزیر اطلاعات فواد چوہدری نے کہا ہے کہ لاہور میں انٹرنیٹ سروس بند کر دی گئی ہے۔
فوادچوہدری کا کہنا ہے کہ انٹر نیٹ سروس بند ہونے کی شکایت مینارپاکستان پر جاری جلسہ گاہ کے اسٹیج سے کی گئی ہے۔
اطلاعات کے مطابق مینارپاکستان پر جاری تحریک انصاف کے جلسہ گاہ اور اطراف میں انٹرنیٹ سروس جزوی طور پر معطل ہے جس سے شرکاء اور اطراف میں رہنے والوں کو مشکلات کا سامنا ہے۔
- Advertisement -
واضح رہے کہ پاکستان ٹیلی کمیونکیشن اتھارٹی (پی ٹی اے) نے جمعرات کے روز سروس کی وجہ سے انٹرنیٹ سروس متاثر ہونے سے متعلق بیان جاری کیا تھا۔
پی ٹی اے کا کہنا تھا کہ پی ٹی اے کے مطابق سب میرین کیبل ایس ایم ڈبلیو4 پر کام ہو گا سب میرین کیبل کے ایک حصے پر پاورری کنفیگریشن کی جائےگی۔
