ملک میں نئے انتظامی یونٹس بنانےکی ضرورت ہے، الطاف حسین

کراچی:ایم کیو ایم کے قائد الطاف حسین کا کہنا ہے کہ ملک میں نئےانتظامی یونٹس بنانے کی ضرورت ہے، ملک میں نئےصوبے قائم اور بلدیاتی انتخابات نہ کرائے گئے تو خدا نخواستہ ملک بھی نہیں رہے گا۔

 قائد الطاف حسین کا نائن زیرو پر اپنی اکسھٹویں سالگرہ کےتقریب سے ویڈیولنک کے ذریعے خطاب کرتے ہوئے کہنا تھا کہ پاکستان کو بچانا ہے تو مقامی حکومتوں کا نظام واپس لایا جائے۔

الطاف حسین کا کہنا تھا کہ سوائے پاکستان کےکوئی ملک نہیں، جہاں اٹھارہ سےبیس کروڑعوام کے لیے چار صوبے ہوں، ملک میں نئے صوبے یا انتظامی یونٹ نہ بنائےگئے تو خدا نخواستہ ملک دنیا کے نقشے سے مٹ جائے گا۔

الطاف حسین نے کہا ہے کہ چیف جسٹس پر دھاندلی کا الزام لگے تو فوج کوعوام کے ساتھ دینے کیلئے تیار رہنا چاہیے،اس موقع پرایم کیو ایم کے قائد کا کہنا تھا کہ ملک چلانا سویلینز کا کام ہے، فوج کا کام ملک کا دفاع مضبوط کرنا ہے۔

اپنےخطاب میں الطاف حسین نےآپریشن ضرب عضب میں شہید ہونے والےفوجیوں کو خراج تحسین بھی پیش کیا، اس موقع پر کارکنوں نے اپنے قائد کے ساتھ تجدیدِ عہد وفا بھی کیا۔

Comments