عمرہ ویزوں کی آخری تاریخ کا اعلان

سعودی وزارت حج و عمرہ کا کہنا ہے کہ 30 شوال تک بیرون ملک سے عمرہ زائرین مملکت آ سکتے ہیں جس کے بعد یکم ذوالقعدہ سے عمرہ ویزوں کا اجرا روک دیا جائے گا۔

عرب میڈیا کے مطابق بیرون مملکت سے عمرہ ویزے کے لیے درخواستوں کی وصولی کی آخری تاریخ 16 مئی مقرر کی گئی ہے۔

بیرون مملکت سے آنے والے زائرین کے لیے عمرہ سیزن کا اختتام 30 مئی 2022 کو ہو گا جس کے بعد یکم ذوالعقدہ سے حج سیزن کا آغاز ہو جائے گا۔

امسال عازمین حج کی مجموعی تعداد 10 لاکھ مقرر کی گئی ہے جن میں سے 85 فیصد بیرون مملکت جب کہ 15 فیصد اندرون مملکت کے عازمین ہوں گے۔

حج کوٹہ میں سب سے زیادہ عازمین انڈونیشیا سے ہوں گے جب کی تعداد ایک لاکھ 51 ہزار جب کہ دوسرا نمبر پاکستان کا ہو گا جہاں سے 81 ہزار 132 عازمین فریضہ حج ادا کریں گے۔

Comments