کراچی میں عید کے ابتدائی روز مختلف خوفناک ٹریفک حادثات میں 9 افراد جاں بحق جب کہ 250 سے زائد افراد زخمی ہوگئے ہیں۔
اے آر وائی نیوز کے مطابق عید کے دوران شہر کے قائد کے مختلف علاقوں میں ہونے والے ٹریفک حادثات 8 افراد زندگی کی بازی گئے جب کہ 250 سے زائد افراد زخمی ہوگئے جن میں سے کئی کی حالت تشویشناک ہے۔
اے آر وائی کو ریسکیو اور اسپتال ذرائع کے بتایا کہ یہ حادثات اسپتال ذرائع کے مطابق یونیورسٹی روڈ، ملیر، کورنگی روڈ، شاہراہ پاکستان، اورنگی ٹاون، بلدیہ روڈ، جیل چورنگی سمیت مختلف علاقوں میں پیش آئے ہیں زیادہ تر حادثات منچلے نوجوانوں کی موٹر سائیکلوں پر اوور اسپیڈنگ کے باعث ہوئے ہیں جب کہ مسافر بسیں بھی حادثات کا شکار ہوئی ہیں جس کے باعث زخمیوں کی تعداد میں اضافہ ہوا ہے۔
پولیس کے مطابق گلشن اقبال یونیورسٹی روڈ، لیاقت آباد اور اسٹیل ٹاؤن لنک روڈ حادثے میں 3 افراد جاں بحق ہوئے جب کہ کٹی پہاڑی پر ٹریفک حادثے میں 2 افراد ہلاک ہوئے اس کے علاوہ بلدیہ پولیس ٹریننگ سینٹر کے قریب واٹر ٹینکر اور بس میں ٹکر کے نتیجے میں ایک شخص جاں بحق ہوا۔ حب چوکی کے قریب حادثے میں 2 افراد جان سے گئے جب کہ جیل چورنگی کے قریب گاڑی کی موٹرسائیکل کو ٹکرسے ایک شخص ہلاک ہوا اس کے علاوہ آج صبح کالاپل اور بلدیہ میں ریس لگاتی دو بسیں الٹ گئیں جن کے نتیجے میں 18 افراد زخمی ہوگئے
کل اور آج ہونے والے حادثات کے زخمیوں کو شہر کے مختلف اسپتالوں میں منتقل کیا گیا ہے جہاں اسپتال ذرائع کے مطابق کئی زخمیوں کی حالت تشویشناک ہے۔
ٹریفک پولیس کے ذرائع نے بتایا کہ عید کے ایام میں خالی سڑکوں پر منچلے نوجوانوں نے اوور اسپیڈنگ کے ساتھ ٹریفک قوانین کی خلاف ورزیاں بھی کیں جس حادثات رونما ہونے کی بڑی وجہ بنیں۔
