کسی شخص کو ڈاکٹروں کی جانب سے مردہ قرار دے دیا جائے تو اس کے عزیز و اقارب آخری رسومات کی تیاریوں میں لگ جاتے ہیں لیکن اگر وہی شخص اچانک زندہ ہوجائے تو کیا عالم ہوگا۔
ایسا ہی کچھ چین کے شہر شنگھائی کے ایک رہائشی کے ساتھ گزشتہ دنوں ہوا، نرسنگ ہوم میں مقیم اس شخص کو زندہ ہونے کے باوجود مردہ قرار دے دیا گیا اور بیگ کے اندر دیکھنے پر مردہ خانے کے عملے کو بھیانک غلطی کا احساس ہوا۔
وہاں سے گزرنے والے ایک راہ گیر نے اس موقع کی ویڈیو بھی بنائی جس میں مردہ خانے کا ایک ملازم کہہ رہا ہے کیا آپ نے دیکھا یہ زندہ ہے، جس پر دوسرے نے کہا کہ اب اسے بیگ میں بند مت کرو۔
Funeral parlour workers have saved the life of an elderly woman who nursing home workers had declared was dead.
Today's top stories: https://t.co/iOm40v5pVT pic.twitter.com/dP1qObBtqT
— Sky News (@SkyNews) May 3, 2022
نرسنگ ہوم کے عملے کو اس غلطی پر شدید تنقید کا نشانہ بنایا گیا اور مردہ خانے کے عملے نے کہا کہ یہ بہت بڑی غیر ذمہ داری ہے کہ ایک زندہ شخص کو مردہ قرار دے دیا گیا ہو۔
بعد ازاں لاش قرار دیئے گئے شخص کو ہسپتال منتقل کیا گیا جہاں علاج کے بعد اس کی حالت بہتر ہوگئی۔
شنگھائی کی ضلعی حکومت نے واقعے کی تصدیق کرتے ہوئے بتایا کہ نرسنگ ہوم کے 5 عہدیداران کو سزا دی جائے گی جبکہ ڈاکٹر کا لائسنس منسوخ کردیا جائے گا۔
