ابوظبی: ایمریٹس ایئر لائن نے کرپٹو کرنسی اپنانے کا اعلان کر دیا ہے۔
تفصیلات کے مطابق متحدہ عرب امارات کی فضائی کمپنی ایمریٹس ایئر لائن نے اپنی حکمت عملی کے تحت فیصلہ کیا ہے کہ بلاک چین، میٹاورس اورکرپٹو کرنسی جیسے جدید ترین سہولیات سے استفادہ کیا جائے گا، تاکہ صارفین سے تعلق زیادہ بہتر بنایا جا سکے۔
ایمریٹس کے چیف آپریٹنگ آفیسر عادل احمد الریدھا نے دبئی میں عربین ٹریول مارکیٹ ایونٹ میں میڈیا کو بتایا کہ ایمریٹس کا ارادہ ہے کہ پیمنٹ سروس کے طور پر بِٹ کوائن کا استعمال کیا جائے۔
کمپنی نے فیصلہ کیا ہے کہ صارفین کی ضرورت کو پیش نظر رکھ کر تجارت کے لیے اپنی ویب سائٹس پر میٹاورس اور نان فنجیبل ٹوکن کلیکٹیبلز شامل کیے جائیں، ایپلی کیشنز کی تیاری، میٹاورس اور نان فنجیبل ٹوکن کے لیے نئے عملے کی خدمات حاصل کی جائے گی۔
کمپنی کے سی او او نے وضاحت کی کہ میٹاورس اور نان فنجیبل ٹوکن دو مختلف ایپلی کیشنز ہیں، میٹاورس کے ذریعے آپریشن، تربیت اور ویب سائٹ پر فروخت غرض پورا عمل تبدیل ہو جائے گا۔
انھوں نے کہا ایئر لائن ہوائی جہاز کے ریکارڈ کا پتا لگانے میں بلاک چین کو بھی استعمال کرنے کی کوشش کرے گی۔
