ریاض: شاہ سلمان بن عبدالعزیز نے امیر کویت کے نام ایک مکتوب بھیجا ہے۔
تفصیلات کے مطابق خادم حرمین شریفین شاہ سلمان بن عبدالعزیز نے امیر کویت شیخ نواف الاحمد الجابر الصباح کے نام مکتوب ارسال کیا ہے۔
سعودی سرکاری خبر رساں ایجنسی کے مطابق شاہی مکتوب کویت اور سعودی عرب کے مضبوط برادرانہ تعلقات اور انھیں مزید مضبوط بنانے کے عزم پر مشتمل ہے۔
- Advertisement -
کویت میں متعین سعودی سفیر شہزادہ سلطان بن سعد بن خالد نے کویت کے وزیر امور ایوان امیری شیخ محمد عبداللہ المبارک الصباح سے بدھ کو ملاقات کر کے شاہ سلمان کا مکتوب حوالے کیا ہے۔
