لاہور : اپوزیشن لیڈر راجہ ریاض کے خلاف لاہور ہائیکورٹ میں توہین عدالت کی درخواست دائر کردی گٸی، درخواست میں استدعا کی گئی ہے کہ رکن کیخلاف سخت کارروائی کی جائے۔
اس حوالے سے ذرائع نے بتایا ہے کہ لاہور ہائیکورٹ میں مذکورہ درخواست اظہر صدیق ایڈووکیٹ کی جانب سے دائر کی گئی ہے جس میں وفاقی حکومت سمیت دیگر کو فریق بنایا گیا ہے۔
درخواست گزار نے مؤقف اختیار کیا ہے کہ رکن قومی اسمبلی راجہ ریاض نے سوشل میڈیا پر کی گئی ایک پوسٹ میں سپریم کورٹ کے معزز جج صاحبان کو تنقید کا نشانہ بنایا۔
- Advertisement -
مزید پڑھیں : راجہ ریاض قومی اسمبلی میں اپوزیشن لیڈر مقرر
سوشل میڈیا پر راجہ ریاض نے ججز کے خلاف توہین آمیز الفاظ استعمال کیے، ججز کے خلاف توہین آمیز الفاظ استعمال کرنے سے ادارے کا سوسائٹی میں وقار اور عزت مجروح ہوٸی ہے۔
درخواست گزار نے عدالت سے استدعا کی ہے کہ قانون کے تحت راجہ ریاض کے خلاف توہین عدالت کی کارروائی کی جاٸے۔
