پیرس: فرانس کے میوزیم میں موجود دنیا بھر میں شہرت رکھنے والی پینٹنگ مونا لیزا پر بوڑھی خاتون کے بھیس میں ایک مرد نے کیک سے حملہ کردیا، لیکن پینٹنگ محفوظ رہی۔
غیر ملکی میڈیا کے مطابق پیرس کے لوور میوزیم میں موجود لیونارڈو ڈی ونچی کی مشہور زمانہ پینٹنگ مونا لیزا پر 29 مئی کو ایک شخص نے حملہ کرنے کی کوشش کی، خاتون کے بھیس میں موجود شخص نے پینٹنگ کو دیکھتے ہی اچانک وہیل چیئر سے چھلانگ لگائی, حملہ کرنے والے شخص نے پہلے شیشہ توڑنے کی کوشش کی اور پھر پینٹنگ پر کیک دے مارا، مگر خوش قسمتی سے شیشے کے حفاظتی حصار میں ہونے کی وجہ سے وہ محفوظ رہی۔
اس واقعے کے بعد گلاس کی صفائی کے موقع کی ویڈیو پوسٹ کرنے والے ٹوئٹر صارف نے لکھا کہ واقعے نے مجھے دنگ کردیا ، حملہ آور نے کیک مارنے کے بعد ہر جگہ پھولوں کی پتیاں بھی اچھالی ، جس کے بعد سیکیورٹی نے اسے دبوچ لیا۔
حملہ کرنے والے شخص نے اس موقع پر فرنچ زبان میں کہا کہ زمین کے بارے میں سوچو، لوگ زمین کو تباہ کررہے ہیں، جس سے عندیہ ملتا ہے کہ اس حملے کا ممکنہ مقصد ماحولیاتی تباہی کے حوالے سے احتجاج ریکارڈ کرانا تھا۔
Maybe this is just nuts to me💀but an man dressed as an old lady jumps out of a wheel chair and attempted to smash the bullet proof glass of the Mona Lisa. Then proceeds to smear cake on the glass, and throws roses everywhere all before being tackled by security. 😂??? pic.twitter.com/OFXdx9eWcM
— Lukeee🧃 (@lukeXC2002) May 29, 2022
