کرہ ارض پر دنیا کا سب سے بڑا پودہ آسٹریلیا میں دریافت کر لیا گیا۔

بین الاقوامی میڈیا رپورٹس کے مطابق محققین کا کہنا ہے کہ مغربی آسٹریلیا میں پائے جانے والے دنیا کے سب سے بڑے پودے کا سائز مین ہٹن سے تین گنا بڑا ہے۔

جینیاتی تجزیے میں سائسندان اس نتیجے پر پہنچے کہ مغربی آسٹریلیا میں پانی کے اندر موجود بڑا گھاس کا میدان درحقیقت ایک پودا ہے۔

خیال کیا جاتا ہے کہ یہ ایک ہی بیج سے کم از کم 4,500 سالوں میں پھیلا ہے۔

یونیورسٹی آف ویسٹرن آسٹریلیا کے محققین کا کہنا ہے کہ سمندری گھاس تقریباً 200 مربع کلومیٹر (77 مربع میل) پر محیط ہے۔

پرتھ کے شمال میں تقریباً 800 کلومیٹر دور شارک بے کے مقام پر معائنہ ٹیم کو حادثاتی طور پر یہ پودا ملا تھا۔

Comments