ہاکس بے کے مقام پر پکنک منانے کے لیے جانے والا کراچی کا ایک اور نوجوان سمندر میں ڈوب کر جاں بحق ہوگیا۔
ریسکیو ذرائع کے مطابق نوجوان سینڈزپٹ پر نہاتے ہوئے ڈوب گیا جس کی شناخت 17 سالہ حذیفہ کے نام سے ہوئی ہے، رضا کاروں نے ڈوبنے والے کی تلاش شروع کر دی ہے۔
دو روز قبل حب میں پکنک منانے کے لیے جانے والا کراچی کا نوجوان سمندر میں ڈوب کر جاں بحق ہوگیا تھا۔ واقعے کی ویڈیو منظر عام پر آئی تھی۔
مزید پڑھیں: سمندر میں نہاتے ہوئے نوجوان ڈوب کر جاں بحق
21 سالہ نوجوان کی لاش غوطہ خوروں نے نکال لی تھی۔ واقعے کی ویڈیو میں دیکھا جاسکتا تھا کہ نوجوان مدد کے لیے پکار کر رہا ہے لیکن اس کی مدد کو کوئی نہیں پہنچا اور نوجوان موت کے منہ میں چلا گیا۔
ذرائع نے بتایا تھا کہ واقعے کے وقت کوئی لائف گارڈ موجود نہیں تھا جب تک ریسکیو ٹیمیں سمندر میں پہنچی تو نوجوان دم توڑ چکا تھا۔
