اسلام آباد: جماعت اسلامی پاکستان نے حکومت سے افسران پر سرکاری گاڑیوں کے استعمال پر پابندی لگانے کا مطالبہ کر دیا ہے۔
سینیٹ میں اظہارِ خیال کرتے ہوئے جماعت اسلامی کے سینیٹر مشتاق احمد خان نے حکومت کی جانب سے پیٹرولیم مصنوعات کی قیمتوں میں اضافے کے فیصلے پر شدید تنقید کی۔
مشتاق احمد خان نے کہا کہ اگر حکومت کے پاس زہر کھانے کے پیسے نہیں تو اخباروں میں اشتہارات کیسے دیے، کیا یہ تمہارے باپ کے پیسوں سے چھپوائے گئے۔
انہوں نے حکومت سے سوال کیا کہ مہنگائی کی یہی صورتِ حال رہی تو عوام وزیر اعظم کے کپڑے خود نوچیں گے، عوام کی آنکھوں میں خون اتر آیا ہے۔
جماعت اسلامی کے سینیٹ نے کہا کہ افسران پر چھ ماہ کے لیے سرکاری گاڑیوں کے استعمال پر پابندی لگائی جائے، مہنگائی کو ختم نہیں کر سکتے تو کس نے کہا تھا کہ پنگا لیں اور حکومت کریں۔
اشرافیہ کی مراعات ختم کیجائے،6ماہ کےلیےسرکاری گاڑیوں کےاستعمال پرپابندی لگائی جائے۔@IMFNews کےلیےقوم کونچوڑاجارہا ہے۔بجلی، #Petrol،مہنگائی کوختم نہیں کرسکتےتوحکومت میں کیوں آئے؟ @pmln_org @PPP_Org @juipakofficial ڈرو اس وقت سے جب غیض وغضب کی شکار عوام تمہارے محلات کا رخ کریں گے۔ pic.twitter.com/d5dwSINrpH
— Senator Mushtaq Ahmad Khan (@SenatorMushtaq) June 3, 2022
