اسلام آباد : ڈپٹی چیئرمین نیشنل کمانڈ اتھارٹی جنرل ندیم رضا کا کہنا ہے کہ پاکستان اپنے نیوکلیئر پروگرام پرکسی بھی قسم کا سمجھوتہ نہیں کرے گا۔
تفصیلات کے مطابق پاک فوج کے شعبۂ تعلقاتِ عامہ (آئی ایس پی آر) کی جانب سے بیان میں کہا گیا کہ چیئرمین جوائنٹ چیفس آف اسٹاف کمیٹی جنرل ندیم رضا نے نسٹ میں سیمینار سے خطاب کیا۔
نیشنل انسٹیٹیوٹ آف پالیسی کے تحت علاقائی عوامل اور سیکیورٹی پر سیمینار منعقد کیا گیا۔
ڈپٹی چیئرمین نیشنل کمانڈ اتھارٹی جنرل ندیم رضا نے سیمینار سے خطاب کرتے ہوئے کہا کہ ملکی نیوکلیئرصلاحیت مادروطن کےدفاع اورسالمیت کی ضامن ہے، ملکی نیوکلیئرپروگرام کوعوام،سیاسی جماعتوں کی حمایت حاصل ہے۔
جنرل ندیم رضا کا کہنا تھا کہ سول وملٹری قیادت نیشنل کمانڈاتھارٹی کےاس اسٹریٹجک پروگرام کے ساتھ سیسہ پلائی دیوار کی طرح ہے،
انھوں نے کہا کہ قومی سیکیورٹی ناقابل تقسیم ہے، پاکستان اپنے نیوکلیئر پروگرام پرکسی بھی قسم کا سمجھوتہ نہیں کرے گا، پاکستان ایک ذمہ داراور پر اعتماد نیوکلیئر ملک ہے۔
ڈپٹی چیئرمین نیشنل کمانڈاتھارٹی کا کہناتھا کہ ملکی پالیسی فل اسپیکٹرم ڈیٹرنس ہے ، جو قابل اعتماد ایٹمی توازن کے دائرہ کارمیں ہے اور ہماری قومی سیکیورٹی،سیفٹی میکنزم ہرقسم کے خطرے کے خلاف تمام ضابطوں کے مطابق ہے۔
جنرل ندیم رضا نے مزید کہا کہ قومی اسٹریٹجک پروگرام پربےبنیاداورغیرضروری تبصرےسےگریزکیاجائے ، نیوکلیئر ممالک میں رائج طریقے کے مطابق نیشنل کمانڈاتھارٹی اسٹریٹجک پروگرام پر رسپانس اور تبصرے کی مجاز ہے۔
